@ 
聖誕有咩好節目？不如嚟南區探索下繽紛熊貓節日巡禮啦！
喺赤柱海濱、香港仔海濱公園、黃竹坑大王爺廟外，以及鴨脷洲風之塔公園，會發現別具特色、創意滿滿嘅精緻聖誕樹。樹上掛滿燈飾，兩邊仲有圓碌碌嘅大熊貓同大家熱情咁打招呼。
記住參觀埋喺香港仔海濱嘅兩個「冬日熊貓打卡亭」同埋互動幻彩天幕。行完呢個「冬日熊貓走廊」，包你有一個溫馨、愉快嘅聖誕節！仲有仲有！！喺香港仔海濱公園及鴨脷洲洪聖爺廟前空地，有兩幅精心打造嘅3D熊貓地畫，畀你同熊貓親密互動。年輕設計師以熊貓為主角，配合網上投票人氣最高嘅南區特色——舢舨同埋舞火龍，繪製出兩幅得意趣緻嘅3D地畫。大家都記得嚟同熊貓一齊舞舞火龍、坐坐舢舨喇
為咗隆重其事，22/12中聯辦港島工作部副部長楊成偉、立法會議員陳家珮、南區民政專員鄭港涌、香港南區各界聯會理事長陳南坡、聯同一眾南區區議員同地區人士就出席咗亮燈儀式，點亮咗整個海濱！嘉年華現場除咗有攤位、團體表演，仲有有獎問答遊戲，非常熱鬧
