@ 
12月23日係灣仔區少年警訊一年一度嘅BBQ派對！今年嘅派對好似比往年有啲唔同喎！相信精明嘅大家都已經留意到多咗好多聖誕樹、薑餅人、聖誕老人等等嘅……JPC！今年決定搞搞新意思，WCHJPC全部都要著住聖誕服飾出席！
喺活動正式開始之前準備咗好多小攤位俾大家，包括布袋球、躲避盤、射擊競技同埋彈珠機啊！好多會員都贏到大大隻嘅公仔呀！
而今年嘅參與聖誕派對嘅灣仔區少年警訊會員，灣仔區少年警訊學校支會，灣仔區少年警訊名譽會長會主席、副主席及一眾會長，仲有我哋灣仔警區指揮官 賴孝光 署理總警司，人數都有成150人，真係好熱鬧！
喺大家享受緊美食嘅時間，大會亦同時頒發積極參與以及最佳進步感謝狀，表揚過去一年積極參與義工服務及最佳進步嘅灣仔區少年警訊會員。唔知大家又有冇留意到我哋新嘅灣仔區少年警訊logo呢？呢個logo係由灣仔區少年警訊咨詢會嘅委員整合咗意見之後一齊創作出嚟架！係咪好靚呢？亦都頒發咗三個優異獎比有份參加灣仔區少年警訊logo創作比賽嘅會員，感謝佢哋嘅踴躍參與！
之後嘅節目就梗係大家最關注嘅抽獎啦，獎品非常豐富恭喜晒咁多位得獎者！今年亦加設咗最佳造型獎，得獎者嘅服裝設計真係好有心思呀，衫同埋帽上面都有WCHJPC，冠軍寶座非你莫屬啦！今晚真係玩得好開心，除咗要多謝灣仔區少年警訊名譽會長會一直嘅支持，都要表揚返灣仔區少年警訊咨詢會委員嘅籌辦同埋協助，令大人同埋小朋友都可以過一個咁開心嘅聖誕節，多謝晒你哋呀
