@ 
深水埗嘅品牌活動「Hea吓」系列又嚟啦！
「聖誕節嚟深水埗hea吓」日前(22/12)喺基隆街順利舉行，各位街坊當然要同屋企人朋友仔Hea吓，一齊慶祝聖誕節啦！
活動除咗有聖誕樹、飄雪效果同小雪人擺設等聖誕裝飾畀大家影相打卡，仲有吹氣梳化畀大家食住爆谷嘆住飲品chill吓，一齊喺漫天飛雪下感受濃厚嘅聖誕氣氛！
今日係平安夜，深 Duck代表深水埗民政處祝大家聖誕快樂。
活動由深水埗區議會轄下社區參與及文化康樂委員會及深水埔街坊福利事務促進會合辦。深水埗民政專員黃昕然及多名深水埗區議員都有到場支持。
