@ 
食神歸位賀聖誕！？相信身為香港人嘅大家一定都有睇過《食神》，呢套咁經典嘅電影，大家又知唔知佢係喺邊度進行拍攝嘅呢？無錯喇，劇情中嘅食神終極大賽就係喺香港仔避風塘嘅太白海鮮舫上拍攝。唔講你可能唔知，太白海鮮舫及相關船體正準備以新面貌及體驗為大家服務，記得密切留意有關宣布！
12月26日多位立法會議員、南區民政專員兼區議會主席鄭港涌同多位主禮嘉賓出席「點亮活力香港仔」太白、珍寶及海角皇宮碼頭亮燈儀式，一眾主禮嘉賓由主辦方陪同參觀咗太白市集，市集匯聚咗傳統與創新嘅攤位，包括：海港實驗室、微藻固碳及海水淨化技術、IVE工程-智觸電平台、以及國家一級重點保護野生動物黃唇魚介紹等，令人眼界大開。碼頭亮燈儀式之後，眾主禮嘉賓分別乘坐蜑家小艇及復古觀光船漫遊避風塘，近距離觀賞太白海鮮舫呢個聞名國際嘅地標。最後仲一齊喺蜑家小艇上享用慈善太白 -食神盛宴，一嚐《食神》劇情中嘅經典名菜。
嚟到南區，除咗遊覽香港仔避風塘同欣賞太白海鮮舫之外，仲有「南區處處有熊貓2.0」嘅一系列精彩活動同布置，記得同大熊貓「打卡」歡度佳節！
