屯門區「成功有約」計劃 – 青年學員與民政專員交流會面

要推行切合屯門區青年所需嘅相關工作，同青年零距離接觸、面對面交流係最直接嘅方法。繼上年度開始同一班「成功有約」計劃嘅青年學員進行交流會面後，屯門民政專員關可臨今個年度繼續約埋屯門區青年發展及公民教育委員會及屯門區青年社區建設委員會嘅委員，同新一屆嘅「成功有約」學員舉行分批小組聚會，一齊食住傾，喺輕鬆嘅環境下了解青年所思、所想及所需。

專員感謝學員積極回應同埋發表意見，讓屯門民政處嘅青年工作可以不斷進步。專員及委員更分享咗佢哋嘅經歷，希望年輕人喺學業或者他日投身社會時，能夠接受各式各樣嘅鍛鍊同考驗，做個志存高遠、帶正向思維、對屯門社區以至香港同國家有承擔嘅新一代。