@ 
12月28日灣仔區少年警訊嘅行程緊湊！
首先第一站嚟到沙田文化博物館，當中有金庸展覽-射雕英雄傳，唔小人細細個係睇佢嘅小說大㗎！之後再參觀「平凡•不平凡－李小龍」展覽，透過大型光影多媒體，喺電影、武術、個人修為嘅方面，回顧李小龍一生嘅傳奇。
豐富嘅午餐後，就繼續下午緊湊嘅行程。嚟到粉嶺雲泉仙館側嘅阿方士多啤梨園，每個人都要落手落腳，如果想食好味又甜嘅士多啤梨，咁就要自己揀啦！
最後一站灣仔區少年警訊返到港島區嘅香港抗戰及海防博物館，當中透過唔同嘅展覽可以了解到抗戰歷史以及香港嘅海防同軍事變遷，彰顯「抗戰」同「海防」嘅保家衛國中心主題，傳承同弘揚愛國主義精神，真係好有意義啊！今日行程真係好緊密，但係每個會員都獲益良多！
