@ 
聖誕節來臨 ，西貢民政處分別喺西貢海濱公園、西貢萬宜遊樂場 同將軍澳海濱公園布置咗閃爍璀璨嘅燈飾 ，為地區注入歡樂節慶氣氛 ！燈飾亮燈時間為每晚6時到11時，啱哂大家飯後散步去打卡 ！
1、西貢海濱公園除咗木橋上有閃亮雙圈 ，水池上更有幻彩海馬、海豚 及小魚 躍出水面，並喺祥雲之間嬉水 ，同西貢區嘅小朋友一樣活潑可愛 ！周邊另有金黃色嘅燈簾及亮片，點綴形成層層燈影，令公園倍添溫馨 ！
2、西貢萬宜遊樂場嘅鐘架上空多排燈串照亮整個公園 ，猶如漫天星河 於月夜下閃閃生輝 ，再配上組合幻彩球 、以及休憩雨棚上嘅馬卡龍波波燈 ，營造出夢幻氣氛，讓西貢充滿冬日浪漫嘅感覺 ！
3、將軍澳海濱公園行人路兩旁掛上絢爛嘅燈簾點綴四周 同為大家照亮前路 ，沿途步行至將軍澳南橋，更會見到多條生動閃耀嘅海豚 ，躍進光影隧道 ，南橋倒影與璀璨燈飾相映生輝，沉浸喺絢麗燈海之中 ！
大家快啲嚟西貢區感受濃厚嘅節日氣氛 ，鍾意影相嘅你千祈唔好錯過 ！
西貢民政處預祝各位Merry Christmas＆ Happy New Year
@