@ 
中西區民政處及中西區新來港定居人士服務地區統籌委員會一直同區內唔同機構合作，舉辦多項活動促進種族及社區共融。
1. 慶祝中華人民共和國成立七十五周年及第十四屆中西區區節系列 ：Beyond Culture 超文化點系列 – Basketball Tournament
一群熱愛籃球運動嘅非華語青少年，參加由鄰舍輔導會融方少數族裔外展服務隊舉辦嘅籃球培訓小組。經過兩個月嘅訓練，學員喺呢個月中(15/12)舉行嘅籃球友誼賽中展現訓練成果。每位健兒喺比賽中都全力以赴，發揮團隊合作精神。雖然比賽過程戰況激烈，但大家都充份體現友誼第一，比賽第二嘅精神。
2. 上環巷里的人文歷史故事導覽
區內居民亦參加咗上環巷里的人文歷史故事導覽，更深入認識歷史悠久嘅上環區。導賞團行程由參觀三級歷史建築嘅戰前唐樓開始，再到訪懷舊玩具店及印章店。最後走訪開業50多年嘅印務店，參觀活字印刷機，並由老闆帶領參加者親身體驗活字印刷，學習印刷基本技巧。
參加者都表示，經過一天嘅導覽，令佢哋可以從多角度感受上環嘅人文歷史。
