@ 
除夕夜想同另一半睇浪漫飄雪 同燈飾 ？抑或想同屋企人行市集享受購物樂趣 ？定係想聽青年busking ，睇埋藝人明星表演 呢？以上節目都可以喺葵青區搵到！
由葵青民政處、葵青區議會、長康邨居民聯會同埋葵青區「三會」合辦，招商局集團贊助嘅「冬日飄雪『濱』紛@葵青 - 幸福冬日市集」已經喺29/12盛大開幕喇 ！開幕禮邀請到民政及青年事務局 副局長、中聯辦新界工作部副部長李功勛等地區賢達擔任主禮嘉賓，並由署理葵青民政專員溫悅婷連同葵青區議會提振地區經濟專責工作小組主席陳志榮議員及一眾主禮嘉賓，為幸福冬日市集活動揭開序幕 。
市集攤位包羅萬有 ，有青年人藝術手作 、社企食品 、家鄉特產 ，本地知名品牌小食，全部以優惠價錢發售！政府部門亦都熱心投入參與，舉辦老少咸宜嘅攤位遊戲大派禮物 ，深受市民歡迎！現場仲有青年人busking，有嘢買、有得玩、有歌聽，大家一定要到現場感受吓！
30日同除夕一連兩晚6時至10時，青衣海濱公園更加有浪漫飄雪 ，喺絢麗耀眼嘅冬日燈飾襯托下 ，畀大家盡情打卡 ，成為區內除夕慶祝熱點 ！
除夕當晚青衣城對出海濱主舞台仲有星光熠熠嘅綜合表演 ！到時將有人氣藝人歌手無間斷為大家帶來精彩歌舞同藝術表演節目 ！
日期：2024年12月31日(星期二)
時間：晚上6時至10時（*典禮將於晚上8時15分開始）
地點：青衣城一期對出海濱長廊
節目咁豐富，係咪已經好想嚟現場呢？心動不如行動，大家記得約埋親朋好友一齊過嚟葵青區擁抱節日歡樂氣氛 ！
