@ 
妥善管理同改善社區設施能夠便利居民 ，提升日常生活嘅幸福感 。土木工程拓展署東拓展處處長梁中立，分別與觀塘民政專員兼區議會主席何立基同觀塘區議員，以及西貢民政專員兼區議會主席馬瓊芬與西貢區議員，於13/12及16/12視察 安達臣道石礦場發展項目中新落成嘅行人天橋、扶手電梯同升降機塔 。
兩區嘅區議員聽咗東拓展處工程團隊 介紹設施嘅運作 ，仲同工程團隊交換意見 ，大家都深入了解安達臣道石礦場嘅最新發展情況 ，仲有施工期間現場嘅種種限制及困難。工程團隊經過周詳嘅部署同計劃 ，並利用最新技術 ，發揮緊密合作精神 ，令工程順利完成。聽過詳細嘅講解，大家參觀新設施時更加了解工程團隊喺背後所付出嘅努力 。
安達臣道石礦場發展項目下共12組嘅行人天橋、扶手電梯同升降機塔系統，當中10組自2021年已經陸續開放畀市民使用，其餘2組亦預計會喺明年年初起陸續開放，加強 石礦場用地 、寶達邨、將軍澳隧道巴士轉乘站、安達邨、秀茂坪邨 等，同觀塘市中心 之間嘅行人連繫，並緩解發展項目可能帶嚟嘅交通影響，進一步便利居民出行 。
觀塘民政處、西貢民政處及土木工程拓展署等相關政府部門會繼續用心建設及服務社區，並以市民幸福出行為願景，務求達致連繫社區 ，優化通行。
@ 