@ 
大埔民政處喺2024年陪大埔街坊走過一個又一個精彩時刻，亦同大家一齊克服咗唔同嘅挑戰。
大埔地區內盛事
- 大埔2024首個提振地區經濟項目 「許願夜市」旺丁又旺財，不但獲特首李家超及政務司司長陳國基光臨，活動期間推出嘅全港首創「夜光許願樹」及「發光寶牒」都成為打卡熱點，創出一晚超過1萬人次到訪嘅紀錄，攤檔生意額亦一晚達80萬元
- 有80年歷史嘅大埔龍舟競渡首次加入聯乘樂高嘉年華及美食攤檔，並安排全港首隻大型LEGO龍舟畀市民參與設計，吸引超過1萬2千人次到場支持
- 大埔區政、商、民合作，於9月舉辦多項大型「海陸空」主題活動慶祝國慶75周年，包括「大埔x奶龍」無人機匯演、廣福橋上嘅煙火演出、林村河水上舞台表演、彩艇夜遊及水上市集等精彩項目，共吸引超過10萬名市民參與
- 首屆大埔療癒節舉辦一系列身心靈療癒活動及市集，善用大埔嘅綠水青山自然資源，為都市人締造健康身心靈
- 第三屆龍尾沙灘節增設美食啤酒市集及雲集八間本港大學及大專嘅大專音樂祭，吸引近3萬人次參加
地區青年工作
- 大埔青年網絡連續第二年派隊挑戰100公里毅行活動，今年更由大埔民政專員Eunice親自率領三隊毅行隊伍喺風雨中成功征服堪稱「歷屆最難」嘅賽事；活動期間團結大埔各界一同參與，「有錢出錢有力出力」，賽後佳績亦振奮區內青年及金齡人士等不同界別挑戰自我
- 大埔青年網絡繼續發展及推動義務工作風氣，區內青年推出多項原創義工服務，青網「海陸空義工團」更於2024年1月獲得義務工作發展局頒發的「傑出青年義工計劃獎」
- 第三屆大埔職業博覽結集大埔區學界及社福界力量，貢獻年青人生涯規劃工作；活動提供超過30個行業的深度分享交流、體驗，至於職業實習計劃就吸引超過100位大埔區學生參加，總實習時數達3千小時
迎接全運 地區體育工作
- 超過半世紀嘅大埔渡海泳今年踏入第51屆，吸引超過600名好手參賽
- 大埔民政處非常榮幸成為世界運動會香港巡迴賽的社區夥伴，協助舉行大型體育盛事，見證33國運動員爭奪獎牌及成都世運入場券
- 大埔半馬闊別四年後重辦，吸引超過2,000名健兒參賽
區議會工作
- 大埔區議會大會及委員會的出席率均為100%
- 本屆大埔區議會致力提升林村河兩岸配套設施，包括重鋪行人路、增加寵物友善設施、改善單車停泊設施等。區議會安排收集市民意見，並同立法會議員、相關政府部門等進行深入討論與實地視察，商討並制定下一步工作的時間表
- 針對林村河及美援新村等區內水浸黑點，大埔區議會及大埔民政處與渠務署等部門緊密合作，改善咗防範及監控水浸嘅能力
關愛隊
- 大埔區關愛隊全年無休支援社區，曾通宵協助食水中斷嘅寶雅苑興和閣、暑假期間曾停水停電嘅怡雅苑怡禮閣、十一月突發停電嘅太和邨安和樓等
- 關愛隊亦喺十二月下班時份吐露港發生多車相撞意外後趕赴醫院，協助支援受傷市民同佢哋嘅家人報平安，發揮好關愛隊推動團結互助、建設社區嘅角色
- 關愛隊喺颱風摩羯及颱風萬宜後協助報告受損情況及聯絡部門跟進
即將踏入新一年，期望來年繼續與各位同心為大埔，令社區變得更美好，使市民生活更幸福美滿！
@