@ 
油尖旺民政處由今日（31/12）起推出新嘅有時限服務，陸續為最少20幢目標大廈清除阻塞走火通道嘅雜物。
服務嘅目標大廈都曾經收到消防安全指示，並由消防處及區議員提名。承辦機構除咗清除雜物，仲會探訪大廈住戶向佢哋解釋暢通走火通道嘅重要性。
今日首幢接受服務嘅大廈由區議員提名，嗰幢大廈本來係「三無大廈」，得到民政處嘅「大廈管理專業顧問服務計劃」協助，剛成立法團，但未聘用管理公司，未能清理被雜物阻塞嘅後梯。
油尖旺民政專員余健強、幾位區議員、防火會及分區會代表等 ，今日到現場視察並同管委會主席交流 ，消防處同時喺大廈附近進行防火宣傳。
