@ 
離島區青年發展網絡（IYN）羽毛球訓練班喺21/12及27/12順利舉辦！
今次羽毛球班特別邀請到前羽毛球港隊運動員葉姵延（黑妹）擔任教練，為一眾IYN會員提供專業指導，包括有效嘅握拍技巧、接發球方法同正確姿勢。經過黑妹一系列嘅訓練同講解，不論係初學者定有經驗嘅球手都進步不少，大家都表示受益匪淺，對羽毛球嘅熱情更高漲！
活動最後，參加者們將學到嘅技巧加以實踐，進行咗小型比賽，互相切磋技藝，體驗比賽帶來嘅緊張同刺激。現場氣氛熱烈，笑聲不斷。
離島民政處來年會繼續舉辦更多同運動相關嘅活動，令大家一齊感受運動樂趣，帶動社區運動氛圍！
