@ 
1.民政總署署長張趙凱渝同油尖旺民政專員余健強，(3/1)去咗佐敦探訪兩位婆婆 ，佢哋都係保良局服務對象，多謝該局安排探訪️。
婆婆多謝之前曾經幫佢哋做家居維修 嘅油尖旺區議員歐楚筠、天佑銀河慈善基金會創會主席丁天佑及義工卓德江。
民政處亦持續關心最近兩宗車禍嘅死傷者家屬 。
2.30/12佐敦道致命車禍，余專員、區議員楊子熙及關煒曦以及油麻地南關愛隊翌日再去探死者遺孀，之後楊議員等仲陪佢去殮房辦手續。
而區議員Aruna Gurung、尖沙咀西關愛隊、佐敦南關愛隊以及少數族裔關愛隊，就去咗醫院探望傷者。油尖旺關愛隊仲搵到一位識講韓文嘅義工幫手傳譯 。
3.至於元旦零晨西九龍公路奪命車禍，油尖旺民政處除咗立即喺本區兩間醫院設立跨部門援助站，余專員仲請奧運關愛隊及少數族裔關愛隊趕到醫院幫手，社工會跟進死傷者嘅福利需要。
@