@ 
觀塘區防火委員會喺2024-25年度舉辦咗一連串防火宣傳活動，包括觀塘區防火宣傳日 、走火警演習 、防火小先鋒體驗工作坊 、防火安全比賽 、參觀消防局 、冬日防火宣傳活動 ，以及重陽節防止山火宣傳活動 等，內容豐富又受歡迎 。
本年度亮點活動 「觀塘區防災應急宣傳巡遊暨嘉年華」 喺尋日（4/1）舉行 ，希望透過活動宣傳防災應急信息 ！活動由觀塘區防火委員會主辦，觀塘民政處同消防處協辦，並獲得觀塘區議會支持。消防處處長楊恩健、立法會議員鄧家彪、觀塘民政專員何立基、觀塘區議會房屋及發展規劃委員會主席呂東孩、消防處九龍東區指揮官朱敏超及九龍中及東助理救護總長梁德耀、觀塘區防火會主席楊莉珊、副主席陳燦標、活動召集人廖玲玲及羅仁禮及消防處社區應急先鋒名譽會長會（觀塘區）主席周耀明亦到場為活動主禮。
大會早上 先安排宣傳車 由觀塘市中心裕民坊起步，途經區內商貿區 、茶果嶺、鯉魚門避風塘 、屋邨、屋苑 以及工業區一帶 。沿途廣播 防災應急嘅信息之餘，更準備咗唔同嘅精美防災應急宣傳品 派畀各位街坊 。
而下午 喺觀塘市中心自由空間（裕民坊）舉行嘅嘉年華就安排咗消防及救護車輛 及工具 展覽區、救援專隊示範 、防火劇場 、搜救犬表演 、攤位遊戲區 、消防安全展覽同綜合表演 等 ，小朋友仲可以試穿消防同救護制服嚟打卡 。居民可以輕鬆咁玩遊戲 攞紀念品 及參與不同示範活動，從中了解更多防災應急知識 ！嘉年華生動地提醒街坊注意家居防火、宣傳防火三寶 及應急三識 ！大會仲安排咗消防處儀仗隊進行展示國旗及區旗儀式添 ，真係好精彩呀 ！
