@ 
為鼓勵市民關注自己嘅健康狀況，中西區民政處、第十四屆中西區區節統籌委員會聯同中西區地區康健站喺去年27/12舉辦咗中西區健康日2024，希望參加者可以藉此了解自己嘅身體狀況，及早發現潛在嘅健康問題，採取相應嘅預防措施，喺新一年擁有好嘅健康習慣同身體！
健康日提供一系列免費健康檢查，包括血糖、血尿酸、血壓、心房顫動、眼睛、超聲波骨質密度及脂肪肝測試等，更有消防處示範心肺復甦法同使用自動心臟除顫器，推廣喺突發情況下人人都可以化身「任何仁」保護身邊人！當日各位居民熱烈參與活動，齊齊推廣健康生活！
民政處希望經過今次活動，居民可以學到更多健康資訊，關注個人健康狀況，提升中西區居民嘅健康水平，齊齊做個健康都市人 ！
