北區廠商會青少年乒乓球迎春盃

香港新界北區廠商會、新界社團聯會北區地區委員會、粉嶺乒乓球中心聯同北區民政處5/1喺聯和墟體育館舉辦「北區廠商會青少年乒乓球迎春盃」，一班青少年球手喺球場上展開激烈較量。

比賽有120名6-15歲青少年參與，個個參賽者都鬥志高昂，喺場上球來球往迎接挑戰，氣氛緊張刺激。最重要嘅係，每個球手無論輸贏都全程投入，就算處於下風時，都堅持重新振作奮戰到底！相信呢班乒乓小將可以繼續努力追夢，突破自己，創造佳績。

北區民政處會繼續舉辦更多唔同類型嘅體育活動，畀對運動充滿熱情嘅年青人有更多選擇同機會，享受運動帶嚟嘅樂趣。