@ 
2025年一開始，荃灣區就舉行咗由荃灣民政處全力支持嘅大型敬老活動，向長者致敬，同老友記一齊歡度新年。
荃灣鄉事委員會敬老聯歡晚會
荃灣鄉事委員會日前（3/1）舉行咗敬老聯歡晚會。荃灣民政專員區家盛、中聯辦新界工作部副部長李功勛、立法會議員陳恒鑌、陳穎欣，以及多位地區人士等擔任主禮嘉賓。專員致辭時讚揚荃灣鄉事委員會一直維持敬老護老傳統同為締造美好 嘅荃灣社區所付出嘅努力 ，包括積極就鄉郊事務反映意見 ，並一直支持及配合落實各項有利於民生嘅政策，協助政府有效施政。
荃灣葵青漁民會30週年聯歡晚宴
荃灣葵青漁民會4/1舉行咗30週年聯歡晚宴，眾多長者出席。活動由荃灣民政專員區家盛、立法會議員陳恒鑌、何俊賢等擔任主禮嘉賓，多位荃灣區議員亦有出席。荃灣葵青漁民會於社區貢獻良多，一直致力為漁民謀福祉、爭取福利 ，就本港漁業發展 向政府提供寶貴意見。
