@ 
深水埗白田邨重建住宅項目「雅田樓」正式入伙喇 。單位間隔方正，有啲仲望倒獅子山添 。
深Duck當然有到場幫手啦 ！睇到街坊嚟拎鎖匙，滿臉歡喜 ，我深Duck都感受到佢哋嘅喜悅。有啲街坊仲話要趕住農曆年前入伙 。
前日（7/1）下午2-4時見到一眾區議員、深水埗東分區委員會委員及深水埗區5隊關愛隊喺雅田樓向居民 派發入伙錦囊 、幫忙驗樓 、講解相關表格及陪同居民到房屋署屋邨辦事處辦理相關手續 。居民順利入伙，迎接新家 。
房屋署嘅辦理入伙手續安排非常細心 ，而關愛隊入伙支援服務同房屋署辦事處都會連續8日（6-13/1）開放，星期六日都開工，方便平日需要返工嘅街坊。
深水埗民政專員黃昕然表示，區內市民安居樂業係民政處、區議會、分區委員會、關愛隊嘅共同工作目標 ，亦都歡迎新入伙嘅街坊成為深水埗區居民 。
深水埗民政處、深水埗區議會、深水埗東分區委員會及深水埗區關愛隊將會繼續與各地區團體合作 ，聯繫區內居民 ，建設一個更和諧幸福嘅社區 。
•白田邨雅田樓小檔案 •
樓高33層，合共提供924個公屋單位，可供約2800人入住。
@ 