@ 
一年一度嘅「元全一叮」才藝比賽喺11/1圓滿舉行啦！今年嘅比賽人才輩出，才藝表演內容越嚟越豐富，涵蓋音樂、舞蹈同川劇變臉等各種藝術元素，展現出元朗區內高超嘅才藝表演水平，令評判都讚嘆不已。中聯辦新界工作部副部長王卉同元朗民政專員胡天祐都有到場主禮，頒獎同鼓勵各位優秀嘅參賽者。今年嘅「元全一叮大獎」得主就係以雜耍傳統技藝結合流行音樂作為參賽項目，可以話係古今藝術融合嘅好例子。
除咗才藝比賽同頒獎典禮外，今次嘅活動仲有以「二十四節氣」為主題嘅嘉年華。中華文化源遠流長，「二十四節氣」係中國傳統智慧嘅寶藏之一，嘉年華為大家介紹「二十四節氣」，令大家可以加深認識呢項國家非物質文化遺產，深入了解到佢哋嘅由來同每個節氣合適做嘅事情，學習養生之道。
今次嘅活動除咗係一場才藝盛宴，更可以畀參加者探索中華文化，為大家帶嚟一個豐盛嘅周末，真係別具意義！