屯門區青年SHOWCASE暨「成功有約」嘉許禮

11/1係第14屆「成功有約」屯門區青年自我挑戰及獎勵計劃嘅結業典禮，亦都標誌一班青年學員，完成咗一個階段嘅學習，展開新嘅里程。

為咗畀青年學員展示佢哋嘅學習成果，屯門民政處、屯門區青年發展及公民教育委員會同「成功有約」同學會，就喺屯門文娛廣場搭好舞台、調好音響同設立手作市集攤位，畀佢哋喺「屯門區青年SHOWCASE暨『成功有約』嘉許禮」盡情「搶fo」同攞哂啲LIKE。

參與嘅街坊朋友都好鍾意睇青年人嘅表演，仲大讚啲手作攤位製成品好有創意同好靚，見到咁多充滿活力同自信嘅年輕人，覺得非常開心！