@ 
由民政總署社區參與計劃資助，葵青區防火委員會及香港消防處合辦 ，葵青民政處協辦嘅「葵青區防火嘉年華2025暨青衣消防局開放日 」上星期日（12/1）喺青衣消防局圓滿舉行。
葵青民政專員鄧顯權、葵青區防火會主席黃進輝、副主席翁燕玲、工作小組主席陳智剛、消防處社區應急先鋒名譽會長會(葵青區)主席劉興華同一眾消防處長官擔任主禮嘉賓 ，並頒發「防火嘉年華親子 填色比賽 」獎項 。現場更展出所有得獎作品，金獎作品 更被用作即影即有影相亭背景，畀參與市民打卡留念 。
嘉年華除咗有棉花糖同爆谷攤位 、仲有歌唱 同魔術表演 ，大家都玩得好投入。現場仲有一個3D立體模擬火場場景板，畀一班身穿消防制服嘅「迷你消防員」小朋友取景打卡，活潑醒目 。
消防處更為大家準備咗各種設有消防救護知識嘅攤位遊戲 ，送出精美禮品 。另外，仲有消防車 同救護車 裝備展覽、消防知識展板及火警調查犬 工作示範。壓軸表演更有一眾消防員哥哥嘅精彩救援演練示範 ，既緊張又刺激，現場掌聲四起 。參加嘅市民同小朋友大飽眼福之餘，仲學到好多消防安全知識。
臨近新年，大家記得要小心防火 ，注意安全，齊齊過一個開心又放心嘅節日。
