@ 
踏入冬季 ，荃灣區防火會及滅罪委員積極參與各項不同形式防火及滅罪活動 。
荃灣區防火教育展覽巡禮
消防處新界南區由12月下旬已經喺荃灣開展一連串嘅冬季防火教育展覽活動 。荃灣區防火會委員 都一齊參與及 宣傳防火信息。
今年度嘅冬防活動有四大主題，包括「防煙門 應常關」、「火警逃生帶備『逃生三寶』」、「消防裝置 需年檢」以及「安全使用鋰電池及充電裝置 」。市民透過參與教育展覽、攤位遊戲等活動，寓學習於娛樂 ，仲贏咗好豐富嘅紀念品 。
荃灣區防火嘉年華
踏入2025年 ，荃灣民政專員區家盛、荃灣防火會主席馮卓能、消防處南區指揮官 (新界南) 陳富山等聯同一眾防火會委員、區議員同嘉賓，齊齊出席 喺日前 (4/1) 於荃灣沙咀道遊樂場舉行嘅「荃灣區防火嘉年華」 ，推動防火應急宣傳及教育工作 。
嘉年華內容非常豐富 ，近30個荃灣地區團體及學校參與綜合表演 及提供攤位遊戲 、消防及救護車展覽 、防火會創作比賽頒獎典禮 等。嘉年華重頭戲係消防處大型模擬救援演練 ，觀眾睇完後都深深感受到防火嘅重要。此外，參加者亦踴躍體驗如何使用滅火筒 、防煙逃生頭套及心臟除顫器 等，加強居民防火意識 ，提升「救人•自救」嘅應變能力。
荃灣區防火會 將繼續以「社區為本」 ，聯繫地區各界及相關政府部門，攜手努力 ，防範未「燃」 ，為荃灣居民打造既安全又舒適嘅社區 。
荃城滅罪資訊站
荃灣區撲滅罪行委員會最近（8/1）喺梨木樹社區會堂外舉行荃城滅罪資訊站 ，向區內居民派發防騙傳單及「提子 」紀念品，提醒各位提防騙子，年近歲晚 小心盜竊。
大家記得提醒身邊嘅父母 、長輩 及朋友唔好誤墮騙局呀！
