@ 
近日寒流襲港 ，但上星期日(12/1)嘅沙田公園依然人山人海 ，氣氛熾熱 。點解 ？因為一年一度嘅 沙田區青年發展及公民教育嘉年華 隆重舉行！
豐富節目由早上10點 開始，年青人嘅活力 同熱情 充滿公園每一個角落。佢哋嚟自沙田區26間機構同學校 ，帶嚟精彩表演 令觀眾目不暇給，有趣嘅攤位遊戲 亦令大朋友小朋友玩得不亦樂乎。
公民教育嘉年華又點少得 完善選舉制度 嘅攤位，加上「祖國昌盛 歡慶 滿城」公民教育展覽同問答遊戲。市民寓學習於遊戲，仲可以將實用嘅獎品 帶返屋企。
沙田民政專員余懷誠、沙田區青年發展及公民教育委員會主席歐志輝聯同一眾區議員、社會賢達及校長都嚟支持，恭賀「我的沙田精神」徵文比賽 得獎者，仲有「2024-25年度沙田區傑出青年選舉」嘅獲獎 青年。大家一齊聆聽 年青人嘅分享，一同見證沙田區青年嘅努力成果 。
2024年，沙田區青年發展及公民教育委員會資助超過200項地區青年活動。全賴學校、社福機構同地區團體嘅合作 同支持 ，期待來年大家繼續為推動沙田區青年發展而努力 ！
@