@ 
元朗區撲滅罪行委員會聯同元朗民政處及元朗警區，14/1舉辦咗「元朗區冬防滅罪巴士巡遊」，向元朗市、天水圍及鄉郊地區嘅居民宣揚冬防滅罪防騙信息。
元朗民政專員胡天祐、元朗警區指揮官陳金菊總警司、元朗區撲滅罪行委員會副主席郭浩男同埋一眾委員，親自出動向街坊派發防罪宣傳品，並提醒大家時刻留意門窗，預防爆竊，並提高警覺，慎防騙案！巴士巡遊途經嘅地區，亦有錦田關愛隊、悅恩關愛隊、天耀關愛隊同鳳翔關愛隊到場協助派發宣傳品，提醒區內居民，預防農曆年間可能發生嘅盜竊案及爆竊案。另外，有鑒於喺道路上非法使用可移動工具情況日益嚴重，佢哋都借今次機會，廣泛宣傳道路上禁止使用電動可移動工具嘅訊息，以保障道路使用者。
