慎防盜賊 北區冬防宣傳

冬天有聖誕同農曆新年兩個長假期，好多居民都會出外旅行，佢哋嘅屋企往往就成為賊匪光顧嘅目標。為咗加強冬防宣傳，北區撲滅罪行委員會就喺長假期前聯同北區民政處、警務處邊界、大埔兩個警區同埋水警北分區，分別喺羅湖口岸、粉嶺聯和墟街市同沙頭角等人流熱點，向北區居民同入境嘅旅客派發宣傳單張及小禮品，提醒大家臨近歲晚要注意冬防，亦都趁機宣傳滅罪同防騙信息。

北區助理民政專員陳傳賢、北區撲滅罪行委員會主席陳文洲，同埋三個警區嘅呀sir同madam聯同一眾滅罪會委員參與活動，落力向街坊宣揚防罪嘅信息。