@ 
葵青區撲滅罪行委員會聯同葵青警區 以及葵青民政處16/1喺葵青區警官俱樂部舉行咗「葵青區優秀保安人員獎勵計劃2024」頒獎典禮，表揚區內喺過去一年持續有傑出工作表現以及積極協助警方防止及偵查罪案嘅保安人員。
香港樓宇密集，類型眾多。大多數樓宇全天候需保安人員服務。保安人員係協助社區防止同及早偵測犯罪活動，促進社區和諧嘅重要人員。葵青民政助理專員温悅婷、葵青警區指揮官祁樂堯署理總警司，以及葵青滅罪會委員向獲選嘅30名於葵青區內保安工作上有突出表現嘅保安人員頒發獎項 ，對佢哋嘅努力付出給予支持同肯定 。葵青滅罪會希望透過嘉許表現優秀嘅保安人員，鼓勵保安業界持續提升服務質素，亦藉此鼓勵市民同警方攜手合作 ，一同防止及打擊罪行 。
為向保安業界推廣防盜防罪資訊以及提供平台互相交流經驗，提升業界服務質素，喺上月嘅12/12，葵青滅罪會舉辦咗「葵青區治安及保安管理座談會」，邀請新界南防止罪案辦公室及葵青警區代表向保安人員講解警區罪案趨勢及防罪措施 、介紹於屋邨推行嘅「葵盾計劃」同「葵房計劃」等防罪計劃，以及就區內治安進行研討 。業界反應踴躍，約60名來自區內36個屋苑同工廈 ，以及17間管理公司嘅保安人員參與座談會。警民齊心 ，合力讓葵青區繼續成為安居樂業嘅社區。
