@ 
1.新一輪嘅「大廈管理專業顧問服務計劃」BMPASS推出咗超過半年，油尖旺喺尋晚（16/1）舉行咗使用者諮詢會議，多謝消防處派員來講解大廈消防安全資訊。
呢半年嚟我哋協助咗四幢「三無」大廈成立法團，同時亦招募咗38名居民聯絡大使。
2.油尖旺上星期舉辦咗「消防安全指示支援服務計劃回顧與展望暨分享會」，請區內法團代表坐埋一齊分享處理大廈管理事務以至消防工程等經驗。屋宇署同埋消防處亦派員出席分享最新資訊。
消防安全指示支援服務計劃推出四年至今，已協助212幢大廈聘請工程顧問同承辦商，累積35幢大廈已獲批消防圖則開展工程 ，其中9棟大廈遵辦消防安全指示。
