@ 
充滿希望嘅2025年剛剛開始。九龍城民政處尋日（16/1）聯同龍城公益聯會、九龍城工商業聯會同埋九龍塘關愛隊攜手舉辦「龍城愛心滿載捐血日」，為社區送暖獻愛。好多地區領袖同街坊都積極參與，捐血救人，扶助病困。
九龍城民政專員蔡敏君、香港紅十字會輸血服務中心行政及醫務總監李卓廣醫生、香港九龍城工商業聯會會長伍海山、香港九龍城工商業聯會主席梁榮基、九龍塘關愛隊隊長譚莉儀親身到場支持，呼籲九龍城居民一齊踴躍捐血。寒冷天氣 完全無減各位嘅熱情。全賴各九龍城區議員、地區委員會委員、關愛隊成員同埋九龍城街坊嘅鼎力支持，活動取得圓滿成功 。
季節性流感高峰期間，血庫存量好緊張，甚至已經跌至極低水平！希望各位立即行動，一齊身體力行 ，捐血救人，為穩定血庫存量出一分力！
@