@ 
葵青民政專員鄧顯權、葵青區防火委員會主席黃進輝以及一眾委員、消防處社區應急先鋒名譽會長會(葵青區)主席劉興華與各會長於1月16日參觀咗香港消防處舉行，代號為「銅牆」嘅危險物質洩漏事故演練。
青衣島建有香港多個重要基礎設施，包括多個大型油庫及化學品儲存庫，係重工業中心，並以八條跨海橋對外連接。是次演練係消防處於青衣嘅恆常演練，首次畀地區人士以觀察員身分參與。
演練模擬一位喺危險品倉內工作嘅職員不慎將一個裝滿危險品嘅容器倒瀉 ，導致危險品洩漏引發二次污染。消防員 及危險物質專隊迅速抵達現場 救援，利用探測儀器檢測現場環境，排除危險品洩漏嘅風險。演練展示各種保護人員免受污染嘅工具，並示範界定受污染範圍。受污染範圍內所有人士離開前均須經洗消(decontamination)設施清除污染物。
今次演練畀參與者了解消防處喺處理化學，生物，輻射或核污染等事故時嘅流程，以及認識專業設施及器具對保護現場人員免受污染嘅重要。
