2024-25年度元朗區青年發展系列活動：課外活動博覽

由元朗區青年發展及公民教育委員會主辦、東華三院賽馬會天水圍綜合服務中心協辦嘅「2024-25年度元朗區青年發展系列活動：課外活動博覽」18/1喺元朗安興街遊樂場圓滿舉行！

活動邀請咗香港單車精英運動員黃金寶同埋現役香港單車隊代表翁浚皓做主禮嘉賓，同一眾元朗區青年發展及公民教育委員會委員主持活動啟動儀式。黃先生仲同在場青少年分享佢將對單車運動嘅喜好發展成為職業嘅心路歷程，並勉勵青年人多作嘗試，發掘自己嘅潛能，勇於追求同埋發展自己嘅興趣，終有一日能達到自己嘅理想。