@ 
灣仔警區耆樂警訊喺1月16到18日，舉辦咗3日兩夜嘅放眼祖國-「江門科技、文化交流團」，帶大家一齊認識祖國經濟、科技同埋人文發展。出發前，灣仔區耆樂警訊名譽會長會主席 伍啟陽 先生同埋副主席 林國明 先生，MH仲親自為老友記送行同埋派發小禮物！
Day 1
灣仔警區耆樂警訊去咗「無限極中醫藥文化宣傳教育基地」，認識到中草藥產品嘅智能生產過程，同埋中醫養生嘅理念。之後，我哋去咗參觀「李錦記總廠」，了解百年企業文化嘅底蘊，醬油製作嘅過程同埋歷史文化。
Day 2
灣仔警區耆樂警訊先到「陳皮文化體驗館」，透過唔同嘅場景、佈置同埋投影科技，俾大家感受江門獨有嘅陳皮文化。仲即時製作當地特產 - 小青柑！跟住參觀咗江門主要嘅歷史及文化景點，包括「崖門海戰文化區」、「華僑華人博物館」同埋「江門城市規劃館」。老友記除咗了解到江門海戰原來係改朝換代嘅轉捩點，同埋江門五邑華僑漂洋過海嘅生活情況之外，仲認識咗江門城市建設嘅歷程同埋未來發展藍圖。
Day3
最後一日，就嚟到「梁啟超故居」，故居內嘅陳列擺設，反映到梁啟超先生當時嘅生活情況，亦可以感受到佢嘅精彩一生同埋愛國情懷。
日夜嘅交流團行程豐富又充實，見證到祖國發展嘅偉大成就外，老友記仲分組向大家發放防騙小貼士，避免墮入層出不窮嘅騙案。非常感謝灣仔區耆樂警訊名譽會長會嘅支持同安排！
灣仔警區耆樂警訊會繼續舉辦不同類型嘅交流團，帶老友記放眼世界！
