@ 
南區民政處對弘揚中華文化一直不遺餘力，以行動實踐龍文化嘅傳承！
「南區龍文化教育薈萃」由南區學校聯會同南區各界慶典委員會主辦，南區民政處同多個地區團體協辦，南區區議會全力支持！透過政商民緊密合作，活動過去一年匯集咗生動有趣嘅課堂同埋體驗，如書法、龍舟、舞火龍、詠春、地質探究、深度遊等，將國粹同保育意識融入生活。
1月18日，作為系列活動尾聲，南區嘅幼稚園同中小學合共超過750名學生即場表演詠春。港區全國人大代表朱立威、南區民政助理專員陳芷羚、香港南區各界聯會理事長陳南坡、香港南區各界慶典委員會執行主席彭兆基同埋南區學校聯會主席彭耀鈞博士等一眾主禮嘉賓到場支持。同學仔著上功夫衫，好齊整好有力量咁，耍出一套詠春「小念頭」，功架十足！
閉幕禮設有中華文化分享環節同頒獎典禮。除咗獎杯同獎品外，海洋公園作為合辦團體，仲送出超過30張門票，獎勵一眾出色嘅同學仔。主禮嘉賓喺致辭時亦寄語香港青年要多角度認識國家發展同成就，為作為中華兒女自豪。
