@ 
海洋公園嘅全新「提子纜車」正式啟動啦！「提子」除咗好好味之外，亦寓意「提防騙子」，係警方嘅防騙吉祥物，提醒大家要時刻保持警覺。
1月18日，「提子」特登去咗海洋公園搵埋熊貓，喺「當提子遇上熊貓」纜車啟動禮同大家打招呼。「提子」同熊貓輪流登場，超萌又吸睛，輕鬆教大家實用嘅防騙知識
今次活動由香港警務處西區警區、南區民政處及南區撲滅罪行委員會合辦，招待咗300名市民，除咗搭纜車同學習防騙小貼士外，佢哋亦把握時間探訪「安安」同「可可」，真正做到寓教育於娛樂。幸運嘅遊客仲收到嘉賓派發嘅着住熊貓裝嘅提子公仔，實在非常可愛
活動圓滿成功，要多謝各位主禮嘉賓鼎力支持，包括香港警務處港島總區指揮官郭嘉銓、南區民政專員鄭港涌、中聯辦港島工作部宣教處副處長黃鵬舉、西區警區指揮官梁領群、南區撲滅罪行委員會主席陳南坡，以及海洋公園行政總裁黃嗣輝。
未來半年「提子纜車」都會陪伴住大家，誠邀全港市民一齊嚟海洋公園探訪大熊貓同乘搭提子纜車，親身感受呢個充滿歡樂同教育意義嘅體驗！
