@ 
冬日暖陽，照耀東區。笑聲、歌聲、音樂聲洋溢東區滅罪嘉年華。1月18日，東區撲滅罪行委員會、東區民政處、東區警區攜手喺愛秩序灣公園舉辦年度嘉年華會，向居民發放正能量。
東區民政專員陳尚文、東區警區副指揮官陳漢銘、東區滅罪會主席鄭承峰、副主席方仲倫、活動工作小組主席趙志堅同何秀賢聯同其他主禮嘉賓為活動主持啟動禮 ，陣容鼎盛。
典禮上，一眾嘉賓頒發獎項畀「滅罪填色及WhatsApp貼圖設計比賽」以及「東區傑出保安服務嘉許計劃」嘅得奬者。當中保安員金獎得主仲係連續2年取得佳績，實至名歸。
嘉年華內容豐富 ，台上有精彩表演，包括警犬表演、歌手獻唱、兒童合唱團、青年音樂演奏、舞蹈等。台下有20個攤位同懲教署更生速遞車，透過有趣生動嘅遊戲，宣揚滅罪禁毒、助更生及推廣基本法嘅信息，同時宣揚和諧校園同國家安全教育！
希望透過今次嘉年華活動及比賽，各年齡及背景嘅市民都時刻保持警覺，攜手預防同打擊罪行！
