@ 
眨吓眼就快到農曆新年，深duck 祝大家蛇年大吉，靈「蛇」健康 。深水埗區已經充滿賀年氣氛，等我帶大家睇睇過去呢個周末嘅各項新春活動。
1深水埔街坊福利事務促進會迎春接福活動
「迎春接福」活動上星期五（17/1）喺深水埔街坊會會址舉行，為街坊送上蘿蔔糕 、毛毯 及口罩，一齊過個又暖又豐盛嘅農曆新年 。
活動由深水埗街坊福利事務促進會主辦。深水埗民政專員黃昕然、深水埗居民聯會理事長陳偉明及深水埗街坊福利事務促進會理事長梁鉅海、副會長黃俊雄都有參與活動，到場同街坊親切交流，為社區帶來更多祝福同歡樂。
2美孚迎新春嘉年華
同街坊一齊分享完賀年蘿蔔糕後，深duck 星期日（19/1）就去咗仁愛堂美孚鄰舍活動中心參加「美孚迎新春嘉年華」，同街坊共度新春 。
現場有唔同攤位遊戲 ，包括寫揮春，傳統投壺，蹴鞠等等，仲有精彩表演 。你哋唔好睇少我深duck ，都有玩蹴鞠㗎 ！大人細路輕鬆愉快迎接新年 。
活動由美青體育康樂聯會主辦。深水埗民政專員黃昕然獲邀出席，同美青體育康樂聯會會長黃達東、美青體育康樂聯會主席楊廣源，以及一眾嘉賓同街坊共慶新春。
3關懷深水埗基層家庭 x 慈善蘿蔔糕派發活動
有好野食就當然要一齊分享啦 。
深duck 同日（19/1） 馬不停蹄去咗The Edible Projects x 秀樺廚房，參加「關懷深水埗基層家庭 x 慈善蘿蔔糕派發」活動 。義工家庭向深水埗區嘅社區客廳基層家庭派發美味嘅蘿蔔糕同埋朱古力 ，送愛送暖 。
每一塊蘿蔔糕都蘊含著義工家庭嘅一份心意同關懷 。主辦單位愛・傳遞 (LoveXpress)同The Edible Projects透過今次活動，希望啟發更多市民關心社會上有需要嘅人士 ，支持有特殊教育需要嘅學生 ，一齊建設關愛共融嘅社區 。
深duck 見到深水埗民政專員黃昕然及愛心大使陳凱琳都有親身到場支持，為街坊送上一份溫暖。
