@ 
柴灣有個新嘅「水族館」？其實係漁灣社區會堂以海底世界為設計主題，為柴灣區帶嚟一個充滿藝術感嘅打卡新熱點！
呢個由東區民政處主導嘅創新項目，完美融合咗漁灣邨嘅特色同社區參與元素。會堂外牆同天台貼上可愛嘅海洋生物🪼圖案，配合全港首創喺會堂主要窗戶安裝LED透明顯示屏播放魚群游嚟游去嘅片段，令會堂化身成一個充滿活力嘅「水族館」！附近居民喺屋企一望落去會堂天台，就可以飽覽獨特嘅海洋世界設計，增加佢哋嘅幸福感！
民政及青年事務局 Home and Youth Affairs Bureau副局長梁宏正、中聯辦港島工作部副部長尤斌、民政總署副署長易志宏、東區民政專員陳尚文，聯同東區區議會轄下委員會主席、三會主席就齊齊係1月18日為會堂美化工程主持開幕典禮。好多東區區議員、三會委員同地區人士都有到場支持，場面非常熱鬧。
呢個項目唔單止係翻新工程咁簡單，更加係一個社區參與嘅項目！外牆圖案就係由地區人士設計，而地區委員一齊貼上魚形圖案，完成外牆設計，展現地區凝聚力。
見到咁靚嘅漁灣社區會堂，快啲約埋三五知己嚟打卡，感受下呢個別具特色嘅「水族館」啦！
@ 