@ 
裕民坊LED大燈畫金蛇迎春
蛇年 將至，相信大家都忙緊辦年貨、大掃除同裝飾布置家居，預備迎接新一年 。觀塘民政處亦同樣喺地區進行咗新一輪節日布置，為裕民坊嘅大型燈畫再次換上新裝 。今次燈畫以新春為主題，加入財神、金蛇 、熊貓 向各位拜年，祝願各位蛇年身體健康、平安大吉、福氣滿溢 。
「觀塘冬日繽紛」廣受市民歡迎
「觀塘冬日繽紛」喺去年22/11-31/12舉行，邀請青年buskers 喺裕民坊街頭表演音樂。活動廣受市民歡迎，吸引近 萬人次蒞臨欣賞 ！為延續節日氣氛，我哋喺裕民坊再辦「龍騰新春夜市」 。除咗希望繼續促進地區經濟，亦畀市民可以把握機會辦年貨行大運 。
金玉滿「塘」
此外，觀塘民政處亦特意聯同本地創意圑體StudioKT及香港知專設計學院 一同製作賀年利是封；利是封上嘅插畫由香港知專設計學院學生設計 ，以金玉滿「塘」為主題，圖案春意盎然 ，藉此祝願各位觀塘街坊財源廣進 、花開富貴 。觀塘民政專員何立基早前(14/1)就聯同StudioKT代表及設計利是封嘅學生，喺觀塘裕民坊打卡地標派發賀年利是封 ，市民收到都好開心 ！
觀塘民政處喺度向各位市民拜個早年，祝各位喺蛇年金玉滿「塘」，順順利利 。
@