@ 
闊別咗一年，話咁快，「九龍城區道路安全運動嘉年華暨頒獎典禮」又再次同大家見面。
1月18日九龍城區道路安全運動委員會於土瓜灣遊樂場足球場舉行嘅嘉年華節目非常精彩，除咗有多位重量級嘅主禮嘉賓到場祝賀之外，亦邀請到我哋嘅交通安全吉祥物「熊Sir」出場。向大家宣傳交通安全知識。
另外亦藉此機會，頒發獎項給予「九龍城區道路安全運動填色繪畫及標語創作比賽」嘅得奬者。同時將充滿交通安全元素及藝術色彩的得奬作品展示給現場觀眾欣賞。
除此之外，嘉年華有多達十多個攤位遊戲、展覽及表演。除咗有小朋友最鍾意嘅大型充氣彈床、仲有跳舞表演、警犬表演等，仲有豐富嘅禮品贈送。懷舊軟雪糕、棉花糖等更加唔少得。現場參觀嘅街坊朋友們、小朋友們，個個都樂而忘返。個個滿載而歸，帶住歡笑同交通安全嘅訊息回家。達致「路上0意外，香港人人愛」！！！
@ 