@ 
喺1月22日荃灣警區荃承計劃警察面試班分享會，邀請到荃灣警區指揮官 羅家康總警司同荃承嘅學員傾吓偈 ，分享吓以往警務工作嘅不同經驗，同大家加加油、打打氣 ，提升學員未來投考嘅自信心 ，羅sir 最後亦寄語各有志加入警隊嘅學員凡事都要保持初心 、堅毅 、盡全力 向目標進發
除此之外，荃灣警區亦邀請咗幾位本計劃嘅前學員，剛在警察學院畢業嘅師兄師姐 ，同一眾嘅新學員分享吓投考過程及心得 ，當然唔少得學院裡面27週嘅生活點滴 ，同埋小貼士 ，等大家可以做好充足嘅心理及生理準備，迎接挑戰 。
如果大家有意投身警隊，歡迎你哋加入「荃承計劃 」，計劃除咗提供定期嘅面試 同體能訓練 外，仲會舉辦不同招募體驗嘅活動。
