@ 
年近歲晚，又到咗大家一齊洗邋遢嘅時候喇，東區民政處一向全力支持「東區歲晚清潔大行動」，東區民政處17/1去咗西灣河街市，亦喺22/1去到電氣道街市，同食環署合辦兩場宣傳活動，希望推廣有效防鼠控蚊知識同提高市民保持環境衞生嘅意識，藉此凝聚社區，共慶佳節。
東區民政專員陳尚文喺22/1特意到訪電氣道街市，參與同食環署合辦嘅「東區歲晚清潔大行動」宣傳活動，同東區環境衞生總監朱瑞燕、一眾東區區議員及清潔龍阿德 Keep Clean Ambassador Ah Tak齊齊派發賀年紀念品畀東區街坊，一齊喜迎新歲，並呼籲大家注意家居清潔，齊齊防滅。
此外，東區民政處已經喺今年1月開始，以「地區主導行動計劃」舉行一系列為迎接農曆新年嘅清潔及宣傳教育活動，包括為區內「三無」大廈嘅公用地方進行歲晚清潔同防治鼠患工作、為區內主要社區會堂/中心及民政諮詢中心進行深層清潔，以及參與房屋署喺區內公共屋邨舉辦嘅歲晚清潔活動等，務求為區內居民帶嚟一個更潔淨嘅社區！
東區民政處喺度預祝各位市民，喺新一年靈納福，萬事如意。
@ 