@ 
「戲寶璀璨 ‧ 粵韻東區」嘅壓軸活動—新光劇院開放日，已經喺20/1 成功舉行，而整個系列活動，包括粵劇晚會、工作坊、分享會亦已圓滿結束，多謝大家支持。
開放日人聲鼎沸，人頭湧湧。市民可以自由參觀大堂、數碼戲院、懷舊展覽廳、大劇院舞台 、樂池等地方；又可以近距離與靚靚「花旦」同俊朗「小生」影相打卡，仲有好受歡迎嘅粵劇「東東」鎖匙扣，個個都話機會難能可貴。
另外，開放日亦有導賞團，由專業導賞員講解粵劇文化嘅歷史及趣聞軼事，更帶領參加者深入後台重地，了解「大老倌」平時出入嘅地方。希望透過今次開放日，可以加深街坊對粵劇文化嘅了解，把握機會留住東區文化地標嘅集體回憶。活動由東區民政處及東區區議會合辦，新光戲院全力支持。
