@ 
為迎接第十五屆全國運動會，灣仔南分區委員會與藍星行動日前1月18日喺灣仔修頓遊樂場舉辦「全運匯聚灣仔南體育嘉年華」。活動邀請咗多位香港運動員，包括2004年雅典奧運乒乓球男雙銀牌得主高禮澤、田徑運動員李展庭、羽毛球運動員張德正、劍擊運動員李俊林及陳玟熹等，分享成為運動員嘅心路歷程。現場亦有別開生面嘅運動表演如超迷你乒乓球雙打比賽、花式跳繩、空手道表演 、劍擊示範等，亦設有運動體驗攤位如划艇、模擬小型賽車、新興運動天梯球等畀市民盡情試玩。同場仲舉行咗精彩緊張嘅曲棍球比賽，大小朋友都好投入，完全釋放出對運動嘅熱情！
當日除咗灣仔民政處之外，多位嘉賓包括中聯辦港島工作部副部長尤斌、立法會議員邵家輝、李鎮強、梁熙、灣仔南分區委員會主席伍凱誠、副主席李佩儀、活動工作小組組長徐兆兒、藍星行動副主席郭康平與灣仔區議員及其他嘉賓一齊參與活動，大家都全情投入，場面開心熱鬧！
