@ 
油尖旺區議會下設嘅「社區共融工作小組」尋日（23/1）舉行今年首次會議，少數族裔區議員同其他小組成員一齊討論咗2025年嘅工作計劃。
小組除咗會再舉辦「平安卡」課程及少數族裔普通話班，今年會加上調解工作坊，及為少數族裔提供法律諮詢。
油尖旺最近亦有好多以多元共融為主題嘅活動 :
1.上周末（18-19/1），油尖旺民政專員余健強去咗由民政處贊助，新家園協會同巴基斯坦聯誼會合辦嘅週末運動同樂日」。活動係「地區為本融入社區計劃」嘅一部分，吸引咗超過200名不同族裔嘅參加者，一齊體驗板球、曲棍球，及參加攤位遊戲。
該計劃之前嘅節目都非常豐富，除咗有籃球、板球同曲棍球共三場比賽之外，亦就住以上球類運動進行咗合共40節嘅青少年運動培訓班！
2.提到運動，油尖旺民政處早前亦贊助區內官立嘉道理爵士中學（西九龍）舉辦一系列新興運動生涯規劃動，包括軟式曲棍球同匹克球訓練、比賽同學校開放日新興運動攤位等。
3.同一周末（18/1），余專員去咗喺尖沙咀會堂嘅”Halal 盆菜宴“，盆菜採用清真認證食材製造，近500名少數族裔朋友一齊分享農曆新年嘅節日氣氛，多謝油尖警區嘅安排。
