@ 
九龍城區少訊趁周末參加咗由海洋公園舉辦嘅「 海陸大步走」同「 雨林極地大步走」課程。
今日少訊會員們一齊跳出書本，化身 生態探究員，分別遊覽 「海洋奇觀&亞洲動物天地」 以及 「北極之旅&熱帶雨林天地」 兩大園區。大家除咗可以同近期超人氣熊貓「安安」同「可可」 近距離Say Hi，仲可透過導賞員講解，了解不同動物嘅感官能力，令少訊們知道動物係點樣用身體感官去適應各種生存環境，繼而探索海陸動物可持續共存嘅保育方法。
會員們聽完咁精彩嘅導賞，都明白保護大自然 係非常重要，會向親友宣揚環境保護以及海洋生態嘅信息。
@ 