@ 
年～又過年，九龍城愛俊關愛隊趁住新年前夕，協助愛民邨有需要嘅居民大掃除同進行小維修，務求為居民提供一個更舒適整潔嘅居住環境，迎接蛇年。
愛民邨長者人口比例較高，部分長者難以憑一己之力進行大掃除，更遑論安排家居修繕。察覺到區內居民有需求，愛俊關愛隊發揮凝聚社區資源同力量嘅功能，聯繫夥伴團體 「潤愛同行」，安排有相關經驗同技術嘅義工，為長者洗邋遢，翻新天花，令到老友記屋企煥然一新。
行政長官李家超 John KC Lee、民政及青年事務局 Home and Youth Affairs Bureau局長麥美娟、民政總署副署長易志宏以及九龍城民政專員蔣志豪今日（25/1）親臨愛民邨同關愛隊打氣，一齊探訪兩戶獨居長者，了解愛俊關愛隊嘅服務。除左協助大掃除之外，關愛隊早前亦幫咗兩戶長者安裝扶手，令居住環境更方便安全；亦分別為兩戶修繕油漆剝落嘅天花同將轉扭式水龍頭換成推桿式，等婆婆唔需要太花力氣就可以開水喉。婆婆都大讚服務貼心又窩心。
喺新年後，愛俊關愛隊會繼續安排多元化嘅活動同關愛服務，滿足居民嘅不同需要。
@