@ 
書法藝術係中華文化瑰寶。為鼓勵學生練習書法，陶冶性情，培養對中華藝術文化嘅興趣，中西區民政處上1月18日喺香港潮商學校舉辦咗「弘國粹·迎新歲－中西區毛筆書法及揮春工作坊」，並由中國書法家協會會員、中國書協香港分會理事陳偉泉擔任導師。
潮商學校嘅學生先學習正確握毛筆方法以及坐姿，然後簡要了解書法文化，再練習書寫「永」、「之」、「人」等字。唔好睇小呢幾個字呀，要掌握好筆劃結構、輕筆及重筆等，一啲都唔簡單架！一班同學仔非常用心練習，喺導師執筆指導習字技巧下，短短時間已經有明顯進步！
農曆新年將至，大家仲齊齊寫揮春迎新歲。同學們話新一年最緊要學業進步、大吉大利、出入平安。佢哋即席發揮創意，畫上笑臉、心形、靈蛇等圖案，設計出獨一無二嘅揮春，帶返屋企布置一番！
乙巳年將至，中西區民政處預大家新年進步，身體健康，事事如意！
