東區區議會 – 於東岸板道備戰渣打香港馬拉松2025「十八區挑戰賽」

東區區議會將會出戰渣打香港馬拉松2025「十八區挑戰賽 - 區際盃」（十公里賽事）。東區民政專員兼東區區議會主席陳尚文，連同九位東區區議員，將會代表東區出賽 ！

為咗備戰賽事，1月26日東區區議會代表隊趁新落成嘅北角東岸板道（西段）正式開放，率先進行賽前跑步️練習。練習期間代表隊同市民交流互動，向市民介紹板道不同嘅設施。板道除咗可以飽覽維港景色 ，亦好適合市民嚟緩步跑、踩單車、散步。以後東區又多一個適合一家大細玩樂嘅好去處啦 ！大家快啲嚟打卡啦！