@ 
觀塘嘅青年網絡「樂觀派」成員一直十分關心社會，以行動 回饋社會。適逢歲晚，一眾樂觀派成員就參加咗「基礎家居維修工作坊」 ，學習家居維修技巧，包括：唧玻璃膠、換花灑頭 、電鑽操作、座廁維修 、更換門鎖 及油漆技巧等。各位成員都十分投入學習，為咗做個好義工努力裝備自己！
而喺尋日（25/1），一眾樂觀派青年義工喺觀塘順天邨將佢哋所學到嘅知識付諸實行。喺觀塘民政專員何立基與當區議員詹寶瑜嘅帶領下，青年義工探訪獨居老人及雙居長者 ，為佢哋進行基本家居維修 及清潔服務 ，歲晚送暖 ，並趁歲晚向長者們拜個早年，送上祝福 。受助家庭見到各年青人咁有魄力同效率咁進行維修同清潔，個個都讚不絕口！ 而專員喺活動中亦表示樂見樂觀派成員積極參與民政處舉辦嘅全方位訓練同活動 ，回饋社會 ，並勉勵一眾年青人要繼續敢試敢學、勇於實踐，為今後嘅發展打下堅實基礎 。
樂觀派成員亦都藉此機會向各位拜個早年：祝各位金玉滿「塘」，事事順利！
@ 