@ 
1.年廿八，油尖旺民政處、食環署同埋旺角北關愛隊，一齊處理一幢三無大廈平台積聚嘅垃圾，隊長羅家聰都有幫手。
早前關愛隊收到大廈樓上一位婆婆反映，進入平台清理有困難，關愛隊自發出動，真正幫到居民。
2.而大南關愛隊早前幫助另一位婆婆清除屋內嘅「雜物山」。
婆婆之前因為屋企雜物太多而需要喺平台露宿，關愛隊知道後，同當區區議員李思敏去幫手清走唔少雜物。
3.民政處最近就統籌咗新一輪清理廢車及店鋪阻街聯合行動，移除8輛棄置車輛同200公斤垃圾，及發出1張店舖阻街告票、8張違例泊車定額罰款告票、及3張《土地（雜項條文）條例》告票。
油尖旺民政專員余健強、區議員蔡少峰同西分區會主席丁天佑等去視察打擊店鋪阻街行動，肯定行動成效。
4.早前，余專員同多位區議員去咗視察食環署嘅歲晚清潔大行動，並向居民同商戶派發關於環境衛生嘅傳單。
